j0295165.gif                      j0283004.gif 

                                                          

                                

                               鄭 文 海

    民進黨執政了後,迎合本土意識的攑頭,而且針對國民黨的「獨尊

華語」一語霸台灣,使得本土語言消滅殆盡的錯誤語言政策,正式

國小開設每週一節的本土語言課程,目的欲予這陣國家未來的主人,

學習イ因公仔、爸仔的母語,maih予斷層,立意真好,咱嘛真感謝

這个魄力kah正確的政策。

 毋過實行了後,後續的配套方案並無進行。咱知影語言的課程一

禮拜一節40分鐘的時間,根本就無法度達到效果,終其尾 Kan-nā

插花仔niâ。

    咱看國小一年級的功課表,華語7節(彈性課程2節徙用)、英文

1節;到國小3年英文正式課程改為2節。結果華語作文、英語若無

繼續去外口課輔班、英語班繼續tiap8,成績敢會看口ê?

    國家用hiah濟資源、家長用hiah濟心血、金錢投入,就是

「giàn」一字,因為有誘因,未來升學、各種考試攏用的著,

所以甘願投資。

    本土語言無這一方面的誘因,咧功利的社會自然就予人看

無上目,相對的,施教的教學支援人員嘛無啥地位,校方kā

你當做是外星人毋是亻因彼國的,各種福利攏 No,有當時

借教學器材,校方人員嘛會感覺真surprise,意思是講

敢著hiah拼勢!

    本土語言教學欲行入正常化,個人認為下面幾點會當參考:

 (一)、誘因:高中、大學入學考試加入「本土語言」的科目

以獎勵加分方式進行,這科若考100分滿分,總成績加30分

;考90分,總成績27分,就是以該科分數的30%來加分,

當然buē giàn考的就失去加分的機會。若有這種的誘因,

現實的家長koh按怎講,亻因嘛拼勢kah囡仔講母語、教母語

到時規街路攏母語補習班。

(二)、師資:根屬愛回歸正常體制化,由台文語言系所培養

出來的專才,經過教育學程kah教師資格考試等階段通過了後,

來擔任是上suh-phuè、上完整的,目前的師資應該是屬過渡

時機。

 (三)、節數:像英文仝款每週起碼愛2節,才有可能予教學

行入正常化。

 (四)、教學支援人員的運用:亻因已經有六冬外的母語教學

經驗,是毋是利用暑假開放予亻因去修教育學程,然後取得

教師資格,擔任母語科任教師,親像英語教師仝款。以往高中

的師範學校到五專的師專,一直到師範學院、教育大學攏有

變通的辦法,是毋是會當參照辦理?或者予亻因升做代課老師,

以食月方式來進行?起碼紙頭紙尾愛有亻因的名姓,buē當koh

用目前這種歧視性的待遇來款待。

    以上,是個人的看法,歡迎會員先進以及現職教師利用本

單元的「迴響」來提出你的建言。

    多謝!

 

創作者介紹

台灣母語教師協會 Tâi-uân Bú-gí Kàu-su

taiuanbugikausu 發表在 痞客邦 PIXNET 留言(2) 人氣()


留言列表 (2)

發表留言
  • 成
  • 支援老師到各師院進修教育學分

    只有先上部長網站,縣長網站陳情,接著找議員、立法委員找主管機關首長,快請承辦人科長過來馬上擬送優秀支援老師到各師院進修教育學分計劃簽呈,先開放幾十個名額先送優秀支援老師到各師院進修,取得教師證照再跟社運團體教師聯盟研究上街遊行對策可也,快馬加鞭趁縣市長選舉快到,講話有人聽先由母語協會發動快,聯合客語結合客委會更好。加油!祝福你們!成謹上2009/2/04
  • ap
  • 為什麼英語支援教師考一次就算正式教師...

    阮學校e英語老師亦沒托福考照..也沒GEPT證照...伊真正sang-se^給我講..又不是金融機構考hia濟張證照...欲創啥?伊考過教育部考試就算正式教師...人伊今仔是正式編制內呢....
找更多相關文章與討論