舊曆過年期間的忌剋 (kī-khikkhioh-tih) year09.jpg

 

 

人為著祈求新的一年會當有彩頭,此去大吉大利,咧新正時會有一寡

 

忌剋 (kī-khikkhioh-tih),主要是欲趨吉避凶,祈求一年的好運氣。

 

下面是相關的傳統禁忌:

 

1初一禁掃塗跤、向外潑水,取「財運無掃出、潑出」的預兆,姑不二終

       嘛愛向內掃入、潑入。而且這工禁用刀器,包括菜刀、鉸刀、剃頭刀等

      ,刀屬凶器,所以初一欲食的愛先tshuân起來,用炊的,另外的用意是欲

       予家庭主/煮婦(傳統是新婦)這工小歇一下,因為倚年逐工無閒刺刺tshuân

       過年,莫咧新正年頭就koh hiah悿。

 

 

2初一無煮新飯,食過年暗所留的賰飯,表示舊年尾的食buē完,到今年頭

      猶有賰,像款欲予新婦莫hiah悿。

 

 

3禁食糜,傳統認為過年食糜是散-iong-kah病人咧食的,嘛有認為過年

      食糜,一年中若有遠路頭,會tú-著大風雨kah意外。

 

4禁擃破碗盤物件,若無細膩擃破,愛用紅紙包好,等到初五「隔開」

後,才會當tàn入溪中(今仔重視環保,做一般糞溲就好。),並愛喙念

「拍破瓷/huî,錢銀一大堆」,an-nē就會當逢凶化吉。

  

5buēkah人寃家相罵、或者講歹話,爸母嘛buē用的拍罵囡仔,向人

     討錢,總講一句愛和諧快樂,取一个好吉兆。

 

6禁煎粿類,因粿類經過油煎後,色變赤色,「赤」字kah「散赤」

      的「赤」字仝音,無吉利。

 

7禁用白色物件,若甜粿用赤砂,無用白糖;菜頭粿愛參蝦米、油葱、

      肉絲等,避免全白的。

 

 

8禁啼哭,避免規年tiânn tú哀傷的代誌。

  

9初一tsa-bóo-囝無轉外家處,愛等到初二才會用的;因為外家的兄嫂

     、弟婦仔愛歇睏,將心比心。

 

10初九天公生時buē當曝衫kah舀肥,因為天公的聖誕。

  

11初一禁食藥仔、補品,除了重病以外,主要取康健的好吉兆。

 

12初一早毋通叫人名姓kah起床an-nē對方規年捅天攏愛人差叫。


13
初一、初二禁洗衫:古早tsa-bóo-人「做有食無」,規年捅天攏咧做

        , 洗衫愛去溪邊、圳溝邊洗,傳統認為水有水神,水神的生日咧初一

        初二,所以這兩工buē洗衫,用意是欲予新婦小歇一下。

 

14禁予別人撏(jîm/lîm)橐袋仔:表示規年錢銀攏會予人撏走,buē著財

 

15初一早食菜,較贏食一年齋

16「長年菜」(中北部是芥菜,南部則是帶根的菠薐仔菜)buē

       切斷tsiah會當長歲壽。

17、過年暗雞鴨愛留頭kah尾椎,講才會有頭有尾。

 

創作者介紹

台灣母語教師協會 Tâi-uân Bú-gí Kàu-su

taiuanbugikausu 發表在 痞客邦 PIXNET 留言(0) 人氣()