元宵節pò / phò-tāu  DSCN2861.JPG    DSCN2862.JPG              

 

   

    道教的三官(天、地、水官)信仰形成三元日:舊曆正月十五為上元、七月十五為中元、

十月十五為下元;因為正月十五為上元,所以民間也稱做「上元節」。宵,夜也;嘛有

叫做「元夜、元夕」。元宵節,是過年後頭一 ê---(pái),猶屬正月,所以也有當做

小過年」看待。天官大帝(帝)聖誕,天官喜樂愛光,所以這暝「點燈(放燈)」、

「迎鼓仔燈」進行各種慶祝活動來凑鬧熱。 

  

    日本稱「上元」(じょうげん / jougen)、「小正月」(こしょうがつ / koshougatsu),

習俗有年神祖靈,祈求豐收,有咧早起食「紅豆糜」的習俗這工嘛是日本成年禮

男性元服kah女性裳著禮)舉行的日子,所以也是成人節 

 

    朝鮮叫「正月大滿月정월대만월 / Jeongwol Daemanol)、正月大보름

정월대보름 / Jeongwol Daeboreum,「보름 / Daeboreum」為月圓望日之意,或者簡稱

보름)、上元()、元宵(원소)、元夕(원석)、烏忌日(오기일

 

      已早咧黃河流域,通常愛等到正月十五以後,才降落農作所需要的雨水,所以正月

十五日的官賜福,所賜的就是適量而且著時的雨、雪,古早的皇抑是帝,攏會帶領

文武百官來齋醮祭拜,祈求風調雨順、國泰民安;所以台語有一句俗諺:

好上元,好官員。」,意思就是上元節這工若好天,此去規年捅天攏會風調雨順、

國泰民安,若元宵節落雨歹天,連欲祭拜求天都buē順事(sī),天都毋從欲哪有可能風調

雨順?到時這寡大官虎攏愛惙(tshuah)咧等。

 

      抑有「偷挽葱,嫁好翁;偷挽菜,嫁好婿。」的講法,這kah古早嫁娶、生囝的

偷俗」有關連,取伊的倚(uá)音,求一ê向望。親像「偷竹籬()好得兒。」、

偷硓()得好」、「偷豬盆(飼豬槽),生卵核(生男孩)。」、

ǹng燈跤、生卵脬(pha)。」「ǹng燈跤猶有一種解說,古早嫁娶攏是靠媒人來牽的,

通常利用元宵暝男女雙方由爸母凑陣來相看,看有佮意就央媒人做進一步的安排,

buē合就拍無輸贏,所以嘛有「ǹng燈跤,好嫁娶」的意含。uì tsia咱會當看出已往

散赤的農業社會向望傳宗接代,希求添丁來加添tsa-poo的勞動力作穡凑thàn錢,以及

男女授受不親痟嫁痟娶性的需求暗示的背景。

  

 

    另外一種已經失落的「聽香」習俗,古早痟嫁翁的tsa-bóo囡仔,會先佇厝裏燒香

祭拜神明,祈求神明指示聽香的方向,然後照指示方向行咧路裏,頭一句所聽著的話,

倒轉去厝kā神明稟盃請示,翁緣是毋是到也?今仔男女自由戀愛的時代,這種

聽香的習俗已 buē著時代

 

      已婚的婦人人招伴出遊,講「行大路就是行大肚」快有㑗,古早人麼(mí)仔齣頭

都有。

 

      「 乞龜」的舊風俗,到今猶有;龜粿有秫()米龜、土豆龜、麻糬龜、麵龜kah

雞卵糕龜等,「龜齡龜壽」經由廟寺宮壇的法會加持,koh較吉祥,向神明請示

盃,就會用的kā粿帶走分享親友「食平安」。這種風俗咧無什麼通食的農業

社會算講是「賒食」的趣味,今年先食明年還雙,愈湠愈濟人分享,由神明見證

逐家攏走buē

  

      「乞花」,嘛是愛盃才會當乞得紙糊的花蕾或者人形的ang-仔,轉厝供奉,

藉來祈求子嗣,若有靈聖,嘛愛隔轉年的元宵加倍還神。

  

       食元宵圓是外省例,咧1975年左右才看著外省人圓仔店,咧亭仔跤用kám模仔

貯秫米粉,然後囥紅豆、土豆、麻仔餡等,搖kám模仔予餡gôgô著粉成做

元宵圓仔。台灣本土元宵節是無食圓仔,kan-nā冬至才有搔圓仔。

   

     「照月光,曝尻川,囡仔較會著牀。」婦人人相信咧上元暝到外口去照月光

較會著胎。tsa-bóo囡仔相信照井水,面較娞(媠)。元宵暝

查甫人晏睏,歲壽加一輪」總講一句,就是愛去外口行行踅踅的湊鬧熱,

莫守咧厝裏。

 

taiuanbugikausu 發表在 痞客邦 PIXNET 留言(0) 人氣()