予人心酸的「台語日」!

                                            

臭頭仔抑佇的年代,每年伊的生日,所有的軍公教攏愛扶(phôo)伊,咧中山室設壽堂向伊行禮喝口號:「萬壽無疆」。斯當時咧一間軍人監獄,關咧內底的政治犯嘛愛帶去中山室祭拜。有兩位民主先進無住仝房久無見面,而且無天無日嘛毋知日子,就利用排隊等拜的時間互相相借問,其中一位先進問講:「今仔日拜幾(kuí)?」另外一位回講:「今仔日拜五。」An-nē直也,邊仔的「阿山」監獄管理員竟然「臭耳人彎話」,「拜幾(kuí)」、「拜五」曲解做拜鬼(kuí)」、「拜墓」。「今天是偉大領袖蔣公的華誕,竟說是今天拜鬼!還有你竟敢說拜墳墓!」當場這兩位民主先進拍kah骿(pin)仔骨斷去。

為著用家己的台語母語講日子,竟然遭受者大「突如其來」的莫名其妙拳打跤踢的苦楚!實在是莫大的蹧蹋、侮辱!

後來,兩位民主先進放出來,咧民主電台透過放送控訴這外來殖民者的鄙相(phìnn-sìunn)、蹧蹋台語,聽後使人心酸。希望tsit兩位先進會當佇電視講予koh較濟人知影這段頭尾的真象,尤其是予少年一輩了解外來殖民者的「烏魯木齊」。

 

創作者介紹

台灣母語教師協會 Tâi-uân Bú-gí Kàu-su

taiuanbugikausu 發表在 痞客邦 PIXNET 留言(0) 人氣()