台灣母語教師協會 Tâi-uân Bú-gí Kàu-su

一旦台語支援教學人員予人趕出校園外，就是台語界火烕(hua)、suah鼓的時陣！

市面上的台語社團組織，百分六七十以上攏是台語支援教學人員咧

參與，in滿腹的熱誠，甘願替人攑旗棍仔、做跤踏仔予人踏、無計

無較，惟一的向望就是kā台語傳承落去，毋願葬送佇華語、客語、

原民語族的手頭。

一旦in予人趕出校園外，請問者社團賰「小貓兩三隻」抑有什麼

        出頭？創作的台語文作品叫孰(siak>síng)看？叫孰買？欲ǹg在職

        的教師捧場，比登天koh較難！In歸世人攏咧kah華語 kô喙瀾，對

        台語有什麼感情？

台語族一向是：「奸巧的食戇直的」，無像其他的語族會「尻川

khioh相黏」互相吮(tshńg)好khang的。擔任八年的台語支援教學

工課，毋pat看著toh一个台語政客、頭人替in講一句什麼？爭取

一項什麼？據在in孤軍奮鬥，真正是「隨人顧性命」。一旦in予人

趕出校園外，一定會真凊(tshìn)心，凊(tshìn)心台語界的無情無義

，到時者社團就是火烕(hua)、suah鼓的時陣，免koh弄也、免koh

搬也，因為無法度koh tshē著hiah死忠的戇phàn仔！