汝敢會認同李筱峰的:「台語」(應說「台灣閩南語」)這種講

                                                                                                                     

李筱峰咧2010.3.14《自由時報》〈自由廣場〉的專欄中:『五、……把獨立建國的問題拘泥在語言上面也是鑽牛角尖。常見部分獨派人士動輒就以是否講「台語」為檢驗標準,……「台語」(應說「台灣閩南語」),……』。

伊用少數的外省例來做論述的依據,討好其他語族,同時「台語」訂位做「台灣閩南語」,迎合客語族的喙斗,會當看出伊四面通食的巧性。

咱看每遍本土人士聚會的場合,有幾隻貓仔是華語族、客語族、原民族?絕大多數攏是替人攑旗棍仔、出錢出力了時間的戇-phàn-仔:台語族。In用家己的母語:台語發聲,是上自然的tāi-tsì,竟然予人戴上「台語沙文主義」的大帽。

台語咧台灣這塊土地,在來攏是外來殖民政權欲消滅的對象,因為伊的人口數占上濟,台語一旦消滅,其他的族語也活久。

伊講:『常見部分獨派人士動輒就以是否講「台語」為檢驗標準,……』,這是「無話,講嘉櫑」莫名的指控,台語當做十惡不赦的對象,咱毋知李筱峰存什麼心?

嘛長(tiānn)長有客語人士咧媒體撰文:呼籲民進黨毋通咧聚會時用台語發聲,愛改用華語發言,an-nē才會吸引其他語族的選票。這是非常夭壽的陽謀,目的就是欲予台語「消音無聲」,這種(àu)步的結果只有長(tiōng)著華語,「鷸蚌相爭,漁翁得利。」

語言,雖然毋是惟一卻是上重要的思想工具,John B. Watson認為講話本身就是思想。以台語為母語的人士,用台語發言,毋輪轉koh會娞(suì)氣,而且思惟嘛較清醒、較猛(mé)。今仔汝加(ka)戴一頂大帽仔,講是台灣獨立的五端障礙之一,這 kah外來殖民政權的「講台語罰錢、掛狗牌仔」有什麼差別?

共同的語言有伊共時的文化、歷史、生活、認知背景,以及共同的情感,成語所講的「物以類聚」,就是這種道理。汝若鐵喙齒、銅牙槽,以後請汝全部改用華語發聲,看有幾隻貓仔參加?奉勸李筱峰做汝去耍汝的政治、歷史,語言的 tāi-tsì予別人去發落,免你操心掛意!

 

 

taiuanbugikausu 發表在 痞客邦 PIXNET 留言(4) 人氣()


留言列表 (4)

發表留言
  • ART
  • 閩南語課程綱先改成台灣閩南語課綱,否則會被客委會反對而打爆,慢慢來『食緊是會弄破碗』的

    閩南語課程綱先改成台灣閩南語課綱,否則會被客委會反對而打爆,慢慢來『食緊是會弄破碗』的,好不容易卡了3年的課綱在日新國小由姚榮松教授主持,定案台灣閩南語課綱,可以了!慢慢來,要先說服客家不反對你我自稱『台語』,否則『台語』,未正名先被客人打死何必呢!下來再成立河洛委員會2~3萬台灣文化語言文學產業工作又出來,台灣人就不失業ok慢慢來有步驟來做一起來ok加油!
  • 曾經有人做調查發表佇媒體:70%的客人認為「台語」就是一般所講的「河洛話」。客話、原民話kah台語仝款攏屬台灣本土語言,咧台灣若是有人認為客話是台語,毋是橫柴攑入灶,就是頭殼歹去!

    taiuanbugikausu 於 2010/03/25 22:30 回覆

  • iok-sin
  • 是欲用「台語」這個名,抑是「台灣閩南語」,我個人無真大e意見。但是我認為,閩南語全世界幾落千萬人le講,絕對毋是ka-na台灣一ê所在le講nia,伊是一款國際性e語言,絕對毋是地方性e語言,若用「台灣閩南語」這e名詞,會使hô卡濟人體認著這e事實,會使hô卡濟人去想講:咦?咱講e話號作「台灣閩南語」,阿無咁有別款e閩南語?安呢來講,一般民眾卡boe去boe記tio咱e母語e國際性,才boe去國外聽到有人講閩南語,著叫是人一定是台灣人、抑是感覺足奇怪nai外國人嘛會曉講「台語」,所以我感覺用「台灣閩南語」這e名詞,嘛是一件好代誌。
  • 閩南語,基本上,應該以「福建南部」大多數使用的語言為主(泉、漳州、廈門等),超出這个地域所使用的河洛語系,若koh再稱呼做「閩南語」,就殊(siunn1)過拗(a3)霸、拗(au2)蠻,根本就是「鯽仔魚食過河」。譬如廣東東部的潮汕地區的潮州話、汕頭話,海南島話,抑有廣東西部的雷州半島、湛江、電白、閩西龍岩市區與漳平一帶、閩東寧德市的福鼎一帶、浙江南部蒼南、平陽、洞頭、玉環、溫嶺部分地區,攏毋是咧福建南部,憑什麼欲ka7人叫做「閩南語」?而且中國的閩南語辭典所寫的現代語詞,將近一半,台語無咧用矣。換一句話來講,400年來閩南語kah台語已經分kah離離離!尤其「閩」字是指「東越,蛇種仔」,充滿歧視性,有知覺的「台語族」攏沒(bue7/be7)願(gian3)這種叫法,堅持用台語這个稱呼,到今只有客人kah中國人咧反對!

    taiuanbugikausu 於 2010/04/18 12:26 回覆

  • yikentiktaiwan
  • 贊成佇台灣堅持用台語這个稱呼。但是另外一个稱呼是毋是A當考慮:河洛話。

    阮細漢ㄟ時陣,常常聽到長輩講,咱是河洛人。
    河洛人按中原南遷至福建南部,再移民至台灣,潮汕,雷州,海南,浙南,新加坡,馬來西亞,菲律賓,印尼,泰國,日本長崎等地。
    世界各地攏A當聽到(台灣話=閩南語=福建話=河洛話),此語言使用人口約8000萬,世界排名21位。有必要統一一個專屬名稱,河洛話應該是可接受ㄟ名稱。

    古書文憲是否有記載,現階段並不重要。團結此一語言族群,使互相支援,是搶救台語濱臨滅亡ㄟ方法之一。當然這與建立台灣國家主體性嘛沒關係。

    客家人移民到世界各地,攏以客家話自稱家己ㄟ語言。嘛有世界客屬組織來團結家給ㄟ族群,爭取家己族群ㄟ利益。
  • 「河洛」,是帶有血統性的字眼,毋過今仔「台語族」抑包括漢化的平埔族、河洛客、荷蘭、西班牙等以及日本時代了後留落來的日本人、韓國人的後裔等,用「河洛」這个詞,較bue7四序,較ueh8。

    taiuanbugikausu 於 2010/04/19 22:19 回覆

  • art
  • 先成立沒爭議也各黨派簽署過的,河洛文化事務委員會可以嗎?連洪秀柱立委都簽了,去年此案由王幸男立法委員所發動,即將送文化小組委員會討論前,被前國民黨較高層,下令撤簽,功敗垂成,可否請修仁兄在連署ecfa公投一樣,再挑戰一次台灣人挺修仁兄,八月底再上街請王立委陳婷妃委幫忙再接再厲一次必成立河洛文化事務委員會●加油●
【 X 關閉 】

【PIXNET 痞客邦】國外旅遊調查
您是我們挑選到的讀者!

填完問卷將有機會獲得心動好禮哦(注意:關閉此視窗將不再出現)

立即填寫取消