「海嘯」(津波 /つなみ /tsunami)的台語是「海掃」
鄭 文 海 2011.4.6
根據「交通部中央氣象局」所出版的《地震百問》〈台灣過去是否有海嘯災害？〉中記載：
「依據歷史記載，台灣自公元1661年起疑似海嘯紀錄有6次之多 ，分別摘要整理如下：
1867年12月18日，台灣北部地震，是日有15次連續地震，基隆（雞籠頭，金包里）沿海山傾，地裂，全島震動，基隆全市房屋倒壞，死者數百人，基隆港海水向外海流出，港內海底露出，瞬間巨浪捲進，船隻被沖上市內，釀成重大災害，處處發生地裂，山腹大龜裂，噴湧泉水，淡水也有地裂，海嘯，數百人被淹死，房屋部分倒壞。
由以上六次疑似海嘯紀錄中，以1867年所造成的海嘯災害情況 ，較能確定為台灣近海地區地震所引發之海嘯。」
換一句話來講，基隆、淡水這兩个地區，才是真正遭逢咱今(tsim)仔所認pat/bat的恐怖的「津波/つなみ/tsunami」，tsia的人所保留所講的名稱才是正港原味的，餘除外所講的，並毋是真正針對恐怖的「津波/つなみ/tsunami」。咱一項仔一項來分析。
一、自「拙作」《海嘯(津波/つなみ)，台語定名的思考問題》發出，收著三位台語先進的回應：
(一).聰明老師的回應：
(1).「我閣有收集兼聽著人講”海笑”『hái-tshiò』、”滾蛟龍”『kún-kau-liông』這兩種講法。」
(2).佇咧基隆有人共叫做 "海掃"（sàu）。
(二).柏桐老師的回應：
講著「津波」つなみ，tsunami ê 台語詞，著愛來宜蘭做田野調查。台灣東部外海逐年攏有盡濟ê地動，老一輩ê人攏知影，bat有佇海邊釣魚仔ê人，予一種海湧拖去；這種海湧來無通知，去無相辭，無時無陣。雖然無真大，擱會淹死人。宜蘭kā這種海湧叫做「狗湧」。
(三).啟陽老師的回應：
台語：大ㄉㄨㄚ^ 地ㄉㄝ_ 動ㄉㄤ^ 湧ㄧㄥˋ
個人做淡水的訪談，在地的老輩猶原講做「海掃（sàu）」，就親像華語所講的「橫掃」，也可比「
kiò 十八骰仔」，宗官kiò 十二點，kā所有的「teh注」總把、總掃彼種氣勢。基隆、淡水這兩个真真正正遭受過「津波/つなみ/tsunami」災害的地區，攏講像(siâng/sâng)款的「海掃（sàu）」。而且淡水講「狗涌」是「雄雄hiannh起來的大湧」，佮「交通部中央氣象局」網頁所講的類似。
二、「交通部中央氣象局」網頁對「(狗涌)」的說明：
什麼是瘋狗浪？
瘋狗浪一詞並非波浪學理上的術語，只是民間的俗稱，而且其說法或定義並不明確，比較通俗說法是突發性的猛浪，容易造成在海邊釣魚、戲水的民眾被襲擊而發生意外，令人防不勝防。綜析可能造成所謂瘋狗浪的成因有以下3種：
- 當外海風浪及湧浪移動到岸邊時，與既有的近岸浪產生共振現象而形成巨浪。
- 當外海長浪移至大陸棚上，由於速度變慢，波峰受波浪擠壓而變高，而當波的振幅變大後，會使得波峰高漲，移到岸邊時形成巨浪。
- 當外海長浪傳到近岸時，若遇上近岸海流變化，常會形成大湧，並快速向岸邊推進，若與近岸浪作用時，在磯岩或防波堤處產生巨浪。
分析台灣本島瘋狗浪造成意外事件的原因，以民眾在岸邊戲水與磯釣為主，約占79%。而最常發生的月份為每年5~6月及10月至翌年1月，地點則以基隆、宜蘭、高雄、屏東等地之發生機率最大。
三、針對網路所傳的講法來做分析：
(一).「1687年十一月，雞籠頭大地震，金包裏沿海山崩、海漲，人民財產損害甚鉅。─《臺灣文獻叢刊三一》/臺案彙錄甲集/卷二/大學士曹振鏞等議奏前案摺 P123」。
根據「淡水廳志」的記載，「同治六年冬十一月 (同治6年11月23日，即公元 1867年12月18日)地大震。……..廿三日，雞籠頭、金包裏沿海，山傾地裂，海水暴漲，屋宇傾壞，溺數百人。」
這「1687年十一月」，是毋是筆誤？「交通部中央氣象局」並無這種的記載。Koh講「沿海山崩、海漲」的「海漲」佮「海水暴漲」攏是一般的( tik )的語詞，並毋是「專有名詞」。憑tsit點，欲kā「海漲」做「海嘯」的台語，真少人會認同。
(二). 「上早个辭典紀錄是：1873杜嘉德《廈英大辭典》收三詞：「海漲」/hai2-tiong3/；註very high tides(P116)。「蛟龍」、「起蛟龍」/khi2-kau1-ling5/；a dragon or sea-monster supposed to cause floods.(P197)。」
杜嘉德牧師蒐錄閩南白話，是以廈門腔為主，長期蹛佇廈門的杜嘉德對1867年12月18日，台灣北部地動所引起的「海嘯」有了解無？koh講「very high tides」的「tides」猶原是「潮、潮汐、潮水」；是講「海漲」是「真懸的潮湧」，佮「蛟龍」、「起蛟龍」/khi2-kau1-ling5/；a dragon or sea-monster supposed to cause floods；是「floods(洪水, 水災)」所造成的，兩个攏無提到地動所引起的。彼个年代對「津波 /つなみ」的實況根本就無概念，欲哪有可能做台語「海嘯」的講法。Koh講，《日台大辭典》對「起蛟龍」的解說是：「指做大水等ê時,地陷噴出地下水。」佮「津波/つなみ」的實況無合。
綜合以上的分析， 咱會當了解「海嘯 (津波/つなみ)」的原味台語就是真正發生過的基隆、淡水地區所保留所講的「海掃（sàu）」。
留言列表
