台北市為啥物毋 kah《台灣語文測驗中心》合辦「台語檢定測驗」?
今仔日(8/13)下晡座談會,台北市本土語言輔導團團長紀清珍校長
表示:「台北市為啥物毋kah《國立成功大學文學院‧台灣語文測
驗中心》合辦〈台語檢定測驗〉」?因為伊認為:
(1)、Tsit遍欲辦的〈台語檢定測驗〉,目的無清無楚、
不明不白。
(2)、現職教師只要進階級研習36小時通過取得研習證書,
就會當排課施教台語。台語教學支援工作人員,早就檢核
、培訓成做合法的教學人員,根本無需要koh再檢定認證;
以上攏是明文規定。請問tsit遍欲辦的〈台語檢定測驗〉
是欲辦予孰(siak>siáng)考?欲叫孰來考?
(3)、考完欲創啥物?若是考著中高級,目前並無法令辦法予in
成做台語教學支援工作人員。而且原本2002.6.30前教育部
檢核、培訓的人員,都咧無够節數矣,koh著加tsit寡人來
湊鬧熱、湊搶飯碗,加費氣ê,台北市根本就無欠額,所以
無欲加入tsit遍的〈台語檢定測驗〉。
綜合以上,就是〈台語檢定測驗〉對在職教師、支援人員攏無
實質的意義矣,換一句話來講,《國立成功大學文學院‧台灣
語文測驗中心》會當收擔矣,maih koh浪費納稅人的資源,
若有tshun ê,不如轉做八八水災的救災基金,較有意義。
全站熱搜
留言列表