台灣母語教師協會 Tâi-uân Bú-gí Kàu-su

台北縣市的台語死一半較加也(á)！

 台灣母語教師協會  第4屆理事長  鄭文海

       語言死亡有三種形態，黃宣範(2004‧261)咧《語言、社會與族群意識》文中講：頭一个是「由不穩定的雙語社會逐漸變為單語社會，即其中一個語言由衰退而致死亡。」。外來殖民政權自1945-2000年超過半世紀的統治台灣，語言政策獨尊華語，鄙相(phìnn-siùnn)、打壓本土語言，是上大的促因，致使「2001年聯合國教科文組織的各國各地區語言報告，將台灣列為母語瀕臨消失的地區」。

       本土語言半世紀以來，遭受空前的浩劫，尤其台北市，是外省人當中佔上懸比例的都市，佔全國外省人將近30%，受損上大。台北縣倚近台北市，面對政治上的強勢華語受損的狀況，仝款無差到toh位。 

語言的消失、滅亡，平埔族語是上明顯的例，嘛是上好的教示。連聯合國教科文組織都kā咱警告也，若咱koh激皮皮，麻痺麻痺，毋去知覺、設法搶救咱的台語，an-nē免guā久台語就會行上平埔族語的死亡之路，咱看下面的比例表就知影台北縣市的台語已經死一半較加也(á)！ 

台北縣市國小家長40歲以下及40歲以上  三項語域使用語言的比例表 

                      (2007年製)

    一、家庭語域

    二、工作語域

    三、其他語域

這陣35-50歲左右的社會中堅分子，in使用語言的情形會當做為了解台語面對華語的滅失數據。抑(ah/iah)若(nā)，新生代的學童(12歲左右)的情形，咧家庭語域使用台語只賰8.57%。

 一般的認知，語言的安全係數上sai底的比例是使用人數佔語族人口的75%，若kē於tsit个比例，就是已經瀕臨危機的坎站。換一句話來講，等到新生代的囝仔成做大人的時，免koh二十年台語就死到差不多也，到時台灣就變做台語的啞口！