台灣母語教師協會 Tâi-uân Bú-gí Kàu-su

「艋舺」電影的「Monga」是啥物碗糕？

     「艋舺」兩字的台語讀做「Báng-kah」，通人攏知。為啥物「艋舺」電影兩字的羅馬字寫做「Monga」？個人認為這是刁工的。客語無「b」濁脣塞音聲母，客語中「mong」拼音的有「氓、亡、茫、盲、魍、罔、妄」等，攏毋是好意的字，「Monga」可能有「mong-ga」以及「mong-a」的意涵；ga是「家」，客語的漢語拼音，a是「阿」類似台語的「仔」，「Monga」這个拼音是充滿蹧踢、鄙相(phìnn-sìunn)的字眼，kah蔣為文副教授所抗議的：「客語節目劇情裡扮演搶匪的人均使用台語，原本以為那只是偶發之單一事件，沒想到近日又發現：2009年11月8日晚上6時27分播出的「說演劇場」的「惡煞光臨(上)」劇情中扮演流氓的「黑龍」又是操台語的惡棍。」仝款。

    「艋舺」人kah所有的台語族愛了解這種lah-sap步，愛出來諫譙。採取「以牙還牙」的步數，kā客人的故鄉「苗栗」，書寫做平埔原音(Vary)的「貓貍」。

    台語族愛澈底覺醒：孰咧反對、破壞「台語事務委員會」的設立？「台語事務委員會」一日無設，就是所有台語族的恥辱，愛有這種的覺悟。利用這一兩年選舉年逐家做伙徛出來拍拼，設立咱的「台語事務委員會」。