一旦台語支援教學人員予人趕出校園外,就是台語界火烕(hua)、suah鼓的時陣!

市面上的台語社團組織,百分六七十以上攏是台語支援教學人員咧

參與,in滿腹的熱誠,甘願替人攑旗棍仔、做跤踏仔予人踏、無計

無較,惟一的向望就是台語傳承落去,毋願葬送佇華語、客語、

原民語族的手頭。

 

一旦in予人趕出校園外,請問者社團賰「小貓兩三隻」抑有什麼

        出頭?創作的台語文作品叫孰(siak>síng)看?叫孰買?欲ǹg在職

        的教師捧場,比登天koh較難!In歸世人攏咧kah華語 喙瀾,

        台語有什麼感情?

 

台語族一向是:「奸巧的食戇直的」,無像其他的語族會「尻川

khioh相黏」互相吮(tshńg)khang的。擔任八年的台語支援教學

工課,毋pat看著toh一个台語政客、頭人替in講一句什麼?爭取

一項什麼?據在in孤軍奮鬥,真正是「隨人顧性命」。一旦in予人

趕出校園外,一定會真凊(tshìn)心,凊(tshìn)心台語界的無情無義

,到時者社團就是火烕(hua)、suah鼓的時陣,免koh弄也、免koh

搬也,因為無法度koh tshēhiah死忠的戇phàn

 

    全站熱搜

    taiuanbugikausu 發表在 痞客邦 留言(3) 人氣()