是「討客兄」，毋是「討契兄」！「客」字，除了「賓客」的意思，抑有「外寇」嘛稱「客」，《易‧繫辭》：「重門擊柝，以待暴客。」(出自康熙字典)。「契」字，「約」的意思，以早嬰仔出世，老母奶水無够，攏會央厝邊奶水較足的產婦，分一點仔奶水予嬰仔食，這種「恩重如山」的恩賜，毋若稱做「奶母」，抑愛認做「契母」。契母在生、往生攏愛約定照老母、契囝的禮數去行。契母的囝兒，按手足輩分稱呼，台語叫「契大兄」、「契大姊」、「契小弟」、「契小妹」，攏愛照紀綱去行。今仔，汝ka7 boo2的「情夫」叫「契兄」，敢講做「公(ang1)婿」的愛稱「弟」叫「兄」，kah「契兄」搫撋(puann5-nua2)，著毋是頭殼歹去，講？古早閩客之爭的時代，為什麽互相叫「客人仔」、「福老人」？就是這種中「清朝滿仔」「以台制台」使弄，無營養、衛生的族群互拼心態。後來有客家鄉親佇《自由時報》投稿，講「客兄」愛改寫做「契兄」，這是「うそばかり」的講法。嘛有嬰仔八字有「雙母」命，做老母的驚「公(ang1)婿」娶「小妃」(sue3/se3-i5)，就tshe7仝輩分的姊妹仔伴，予嬰仔認做「契母」，來避厄。毋過，若嬰仔八字有「雙爸」命，做老母的通常攏會tinn3恬恬，這就足怪奇的？